Шу қаласы "Ыбырай Алтынсарин атындағы орта мектебі"КММ

Жалпы республикалық ата-аналар жиналысының тұжырымдамасын негізге ала отырып Шу қаласы «Ыбырай Алтынсарин атындағы орта мектебі» КММ –де 2020 жылдың тамыз айының 20 күні 2020-2021 оқу жылына дайындық аясында сағат 15:00-де «Жаңа оқу жылында балаларды оқыту туралы» атты тақырыпта мектеп директоры Сейдахметова Гүлбағила Бектибаевнаның ұйымдастыруымен жалпы республикалық ата-аналар жиналысы өткізілді. Ата-аналар жиналысына мектеп әкімшілігі және ата-аналар қатысты. Ата-аналар жиналысының мақсаты: коронавирустық инфекцияның таралуына жол бермеуге байланысты карантиндік шаралар жағдайында жаңа 2020-2021 оқу жылындағы оқытудың ерекшеліктері туралы ата-аналарды (балалардың заңды өкілдерін) хабардар ету.
Ата-аналар жиналысының күн тәртібіндегі сұрақтар:
1)Жаңа оқу жылындағы оқу форматтары.
2)Оқытудың штаттық режимінде санитарлық талаптарды сақтау.
3)Қашықтан оқыту: баланың іс-әрекеті және жұмыс орны.
4)Қашықтан оқыту процесі жүргізілетін білім беру Интернет-платформасымен танысу.
5)Жаңа оқу жылында білім алушыларды бағалау жүйесі.
6)Баланың оқу режимі және демалысы.
7)Баланы өздігінен оқуға қалай ынталандыруға болады?
8)Интернетті қауіпсіз пайдалану үшін ата-аналарға балаларына үйрететін ережелер.
9)Интернеттегі балалардың жұмысын ата-ана бақылауы ережелерімен таныстыру
10)Ата-ана мен баланың қарым-қатынас психологиясы.
Ата –аналар жиналысының барысында мектеп психологының арнайы слайд арқылы дайындаған психологиялық ұсыныстары берілді. Мектеп директоры және мектеп әкімшілігі күн тәртібіндегі мәселелерге жеке-жеке тоқталып, түсіндірме жұмыстары жүргізілді. Жалпы ата-аналар жиналысы қашықтан zoom платформасы арқылы жүргізілді. Жалпы республикалық ата-аналар жиналысының өткізілуі туралы ақпарат мектеп сайтына және фейсбук әлеуметтік желісіне жарияланды.