Шу қаласы «Ыбырай Алтынсарин атындағы орта мектебі»КММ

Шу қаласы «Ыбырай Алтынсарин атындағы орта мектебі»КММ-де 2021 жылдың 14 желтоқсан күні Қазақстан Республикасының тәуелсіздігінің 30 жылдық мерейтойына араналған іс-шара жоспарына сәйкес «Мәңгілік ел-мұратым» атты 5-11 сынып  арасында мәнерлеп оқу байқауы өткізілді. Қазақ тілі мен орыс тілі  пән мұғалімдерінің ұйымдастырумен   тәуелсіздік, азаттық, отанды сүю тақырыбында 16 білім алушы көркем сөз оқуда бақ сынасты. Байқау қорытындысы бойынша бірінші орынды 8 б сынып білім алушысы Тамаша Айзере, екінші   орынды  6 б сынып оқушысы Жолдыбай Назым, үшінші орынды  6а сынып білім алушысы Сауранбек Фариза иеленді. Тәуелсіздік қарсаңында білім алушыларға Желтоқсан оқиғасының 35 жыл  толуы жайлы , тәуелсіздік жылдарындағы 30 жетістік, 30 белес, 30 асу туралы бейнебаян көрсетілді. Тәуелсіз Қазақстанымыздың туы мәңгі көкте желбірей берсін! Болашақ өскелең ұрпағымыздың алар асулары биік, шығар шыңдары биік болсын !