Шу қаласы "Ыбырай Алтынсарин атындағы орта мектебі"КММ

Шу қаласы «Ыбырай Алтынсарин атындағы орта мектебі» КММ – де 2021 жылдың 18-ақпан күні Қазақстан Республикасының Тәуелсіздігінің 30 жылдығы қарсаңында қазақ халқының тарихында аса көрнекті орын алған ұлы ағартушы – педагог Ыбырай Алтынсаринның 180 жылдығына орай «Ыбырай Алтынсарин - балалар әдебиетінің негізін салушы» тақырыбында аудандық онлайн – семинар өткізілді. Семинардың мақсаты: Ыбырай Алтынсаринның қазақ әдебиетінде балаларға арнаған шығармаларын насихаттау, педагогикалық идеяларын негізге алу, іске асыру. Семинарға Ыбырай Алтынсаринның тікелей ұрпақтары немересі Нағима Абдоллақызының қызы, жиен шөбересі Жұмакүл Бәйдібекқызы және Нағима Абдоллақызының көзін көрген «Ыбырай Алтынсарин» медалінің иегері, ардагер ұстаз Көрпеш Байжарасқызы қатысып, құнды да тың мәліметтер берді. Аудандық білім бөлімінің әдіскері Байжолова Айсұлу Қуантайқызы және семинарға қатысушы мұғалімдер алған әсерлерімен бөлісіп, алғыстарын білдірді. Ыбырай Алтынсаринның 180 жыл толу мерей тойына байланысты бекітілген іс – шаралар жоспары жыл бойы жүргізіледі.