«Ыбырай Алтынсарин атындағы орта мектебі» коммуналдық мемлекеттік мекемесінде «Жас Ұлан» ұйымының Ұланбасы Тамаша Айзере 22 қыркүйек Тілдер мерекесінде білім алушылар арасында мақал –мәтел айту челленджін ұйымдастырды. Мақсаты: білім алушылардың ана тілге деген сүйіспеншіліктерін арттыру. Тәуелсіз елдің елдігі жас ұрпағын парасатты да білімді, іскер де қабілетті, отансүйгіш те ұлтжанды тұлға етіп қалыптастыруда мемлекеттік тілдің атқаратын қызметі орасан зор.

«Ыбырай Алтынсарин атындағы орта мектебі» коммуналдық мемлекеттік мекемесінде «Отбасы күніне» арналған іс – шара жоспарына сәйкес 3 - 4 сынып білім алушылары арасында отбасы құндылықтарын дәріптеу, ата – ананы сыйлау, бауырмалдық, үлкенге құрмет көрсету, кішіге қомқор болуға тәрбиелеу мақсатында «Менің отбасым» тақырыбында сурет байқауы ұйымдастырылды. Байқауға барлық білім алушылар белсене қатысты. Қатысушылардың барлығы мадақтамамен марапатталды.