«Ыбырай Алтынсарин атындағы орта мектебі»КММ

Білім ошағына 80 жыл

Жамбыл облысы, Шу қаласы, «Ыбырай Алтынсарин атындағы орта мектебі» коммуналдық мемлекеттік мекемесіне биыл 80 жыл толып отыр. Қазан айында мектебіміздің тарихына байланысты мектепішілік іс – шараларға арналған айлық жоспары бекітілді. Осы айтулы мерекеге орай жоспарға сәйкес аудан көлемінде мұғалімдер мен оқушылар арасында волейбол, кіші футбол спорттық жарыстар ұйымдастырылып, өткізілді. Мектепішілік сынып жетекішілер «Алтын ұямызға 80 жыл» атты сынып сағаттарын, «Менің аяулы мектебім» атты эссе жазу байқауы, «Мақтанышым мектебім» тақырыбында өлең шығару, сурет салу байқауларын өткізді. Мектебіміздің 80 жылдық мерейтойына арналған «Сан қыранды самғатқан алтын-ұя» атты салтанатты жиынға құрметті қонақ ретінде зейнет демалысындағы ардагер ұстаздар, аудандық білім бөлімінің мамандары, ата - аналар шақырылды. Мектеп оқушылары қазақтың аса көрнекті ағартушы-педагогы, жазушы, этнограф, фольклоршы, қоғам қайраткері Ыбырай Алтынсариннің әңгімелерінен көріністі қойып, қазақтың қара домбырасымен күмбірлетіп күй шертіп, мың бұрала би билеп, асқақтата ән шырқады.