06
сәуір
2018
Шу қаласы, Ыбырай Алтынсарин атындағы орта мектебінде «8 наурыз – Халықаралық әйелдер күні» мерекесінің өткізілуі туралы мәлімет
Шу қаласы, Ыбырай Алтынсарин атындағы орта мектебінде
«8 наурыз – Халықаралық әйелдер күні» мерекесінің
өткізілуі туралы мәлімет
Наурыздың 5 күні 7«А», 7«Б» сыныптарының ұйымдастыруымен «Ана өмірдің гүлі» атты мерекелік концерт өткізілді. Салтанатты жиын мектеп директорының құттықтау сөзімен ашылып, оқушылардың өлең – шумақтарымен, ән – би өнерімен жалғасты.7 наурыз күні 5 -11 сынып ұлдары ұстаз аналар мен қыздарға арналған салтанатты дәліз жасап, құрметпен қарсы алды. «Ақ сүтін беріп, аялаған аналар» атты тақырыпта аналар күніне арналған іс-шара жоспары бекітіліп, уақытымен жүзеге асырылды. Әр сынып аналар күніне қабырға газеттерін шығарды.
«Ана – гүл, ана – өмірдің шуағы» атты 1 «А», «Б» сыныптары және мектепалды даярлық тобы аналарымен кездесу өткізді. Оқушылар аналарына өз қолдарымен жасаған сыйлықтарын табыс етті. Жиынға қатысқан аналар көңіл – күйлері көтеріліп, жақсы әсер алғандарын жеткізді.
1-11 сынып аралығында «Ана – өмір бастауы», «Әйел - отбасының шырағы», «Ана – адамзаттың тірегі», «Ана – адамзаттың ең ардақтысы, ең қымбаттысы, ең сүйкімдісі» атты тақырыпта тәрбие сағаттары өткізілді.